Bahut kuchh hai... tumhare haath mein
jab aatankawaad ka jwaala-mukhi ;
dhadhak uthha, poor josh mein....
mumbai shahar ki aankhon ke taare...
Taj, Oberoi aur Nariman house bhi,
dekho kaise aayen aatankiyon ki chapet mein
waise bach na sakaa koi ilaaka...
aaye din, din-dahaade bhare bajaaron mein....
kyaa delhi, kya Malegaon, kya Ahmedabad...
kya Kolkata, Modasa aur Hyderabad...
aatakwaad ki aag, Bharat ke chappe chappe mein...
baras rahe hai gole aag ke....
lagaa rahen hai laashon ke dhher...
raajkiya neta ghoom rahe hai aise main....
kaise be-sharm ho kar dekho to jara...
sirf apane vote aur kursi ke chakkar mein...
shahid ho rahe... Police officer,
Air-force aur Sena ke jawaan jahan,
aam aadami dara-sehama hai aise mein....
netaon ke aapasi mat-bhed jaari hai,
bhalaa kyon?....aisi sankat ki ghadi mein?
Ekta ka paath padhha tha humane...
Videshiyon se liyaa tha loha kabhi...
Bhagatsing, Nehru aur Gandhi ke jamaane mein...
Ekta ka hi kamaal tha woh...
bhala kyon der kare fir use aajamaane mein?
jab nishkriya ho gaye hai raaj-neta...
kaisa dar apana bhachhao aap hi karane mein?
mil-jul kar sab Hindu, Muslim, Isaai bandhu,
chaahe to nest-naabud kar sakaten hai aatankiyon ko..
bahut kuchh ab bhi hai yaaron!... tumhaare haath mein....