Hindustan Times

hamein mitr aur mitrata ki zaroorat kyun hoti hai? Mitr kis liye hote hain. Hamare desh mein mitrata ko ek uncha darja diya gaya hai. Mitrata un sabhi rishtedariyon se bilkul alag hai jin par hamara koi bas nahin.hamare parivar ko haum badal nahin sakte, padosi kai baar ajeeb kism ke mil jaate hain aur karya saath mein karne wale colleagus bhi kai baar jhelne padhte hain. Kintu mitr haum unhe banate hain jo humein khushi aur sukoon dete hain.yadi aap hafte ki chhutti keval parivar ya padosiyon ke saath bitate hain to aisa prateet hota hai jaise aap ke pas koi aur chara nahin.yadi aap doston ke saath hain to yeh is baat ka soochak hai ki aap bhi ek prabhavshali vyaktitva ke malik hain.
mitrata ek or to saral prateet hoti hai. kyunki we samaan soch ke logon mein hi upajtee hain.letik zara dhyaan se dekhen toin mein do rai bhi ho sakti hain. Zara logon se baat kar ke dekhen to dosti ke prati sab ke man mein kuch shankaen, uljhan wanirasha bhi nazar aati hai.dosti mein kai unlikhe usool hote hain. yadi ye usool aapas mein takratein hain to hane dosti se badha bhi pohanch sakti hai.usi tarah is sawaal ka bhi koi ek jawab nahin ki ek kadhvi ho gayi dosti ka kya kiya jae.Phir bhi koi apni dosti ko bachane ke liye kisi dsti visheshagya ka sahara nahin leta. Jab koi baat bigad jaye, hum apni ashanka jata nahin pate. kyunki yeh ek bohat hi nazuk bandhan hai.aise paristhiti mein yahi theek hai ki hum chhoti moti chot ko seh lein aur chalte banen. kyunki ye koi contract ya kagaz pe likha hua vaada to nahin hai. koi bhi disti ki paribhasha ko sankshipt roop mein nahin likh paya. haal hi mein kuch anusandhanin se pata chala hai ki kisis bhi samay oar ek sadharan vyakti ke 30 dost hote hain jin mein se 6 bohat hi kareebee hote hain. Apne pure jeevan kal mein hum lagbhag 400 dost banate hain parantu un mein se hum 10 pratishat se naata rakh pate hain. lagbhag 60 pratishat log aisa mante hain ki woh apni mitrataon ko apne kaam, paise or parivar se zyaada mehetva dete hain.purush auraton ke tulna mein ek dost kam palte hain.madhya varg ke log kaam kaji nimn varg se zyaada dost banate hain.aur sab se badh kar purush aur auratein dono hi apni un dostiyon se zyaada bhavnatmak santushti paate hain jo ki auraton se hoti hain. ye ek achambha ki baat hai. akhir hamein dosti ki zaroorat kyun padhti hai. mitrata ek aisa tohfa insaniyat ko mila hai jo ki khoon se rishton se bhi upar hai. mitrata paani ke samaan hai jise jis bartan mein dala jae weh vaisa roop dharan kar leti hai. jahan mirata hogi wahan dukh nahin hoga.ek dost aap ke dukh bhulane ki takat rakhta hai. is duniya ki gaadi mitrata ke pahiyon pe chal rahi hai. ussi tarah yadi dunya ke sabhi mulkon mein dosti ho to kisis hathyar ki zaroorat nahin padhegi.masoom bachchon ke dil ki tarah mitrata svachch va saaf hai. ek acche dost ke saath hum hamesha khushi, sahara va sahyog mehsoos karte hain. to aaiye hum sab mitr banayen. aur dost ke haath badhaen