Aazkal sildenafil citrate ko Viagra ke naam se becha jata hai. Viagra ki khoz, jo ki lingvardhan daush ke ilaz
ke liye ek mahatvapurn khoz hai, ek ghatna ya sanyong hai. Ise herdshool (angina) sambandhit dard ke ilaz ke liye viksit kiya gaya tha. 1980 se 1990 tak is dawa ka pryog karne wale ek samooh ki jaanch se ek nishkarsh nikala gaya ki isse angina ke dard ko kam karne mein koi laabh nahi hua. Halanki is dawa ka pryog karne wale iska sevan band nahi karna chahte thei kyonki ve iske ek dushprabhav se labhanvit ho rehe thei. Vahi dushprabhav aazkal ki ek pramukh bimari-lingvardhan dosh ka ilaz ban gaya hai.
Viyagra shishan ke keval lingvardhan uttakon par asar karti hai. Yehe keval rakt ke sangrehan mein vraddi karti hai jisse ling ke tanav ko sahayta milti hai. Yehe lengik uttejna ki sharirik pratikriya ko bardava dekar lingvardhan ki prakriya ko badava deti hai. Sadharantya viyagra lingvardhan daush yukt 70% tak logon par prabhavit pai gai hai. Iska prabhav madirapan karne wale, dhumrapan karne wale, tatha adhik vasayukt bhojan karne wale logon me kam dekha gaya hai. Dava ke sevan se purva vasayukt bhojan karna is dava ke avshoshan mein vadha dalta hai. Ek samanya ya swath vyakti mein is dava ke prabhavit hone ke koi praman nahi mile hain. Mahilaon mein bhi is dava ke prabhavit hone ke koi praman nahi mile hain, halanki kuch log yeh dawa karte hain ki is dawa ke sewan se pelvic kshetra me rudhir ka sancharan bard jata hai, saath hi yeh yoni ke strav ko bhi badati hai. Vagyanik shaudhon se yehe spasht ho gaya hai ki yeh kaam vasna mein kisi prakar ki vraddi nahi karti hai.
Dush prabhav- ek samanya vyakti mein kuch had tak yehe raktchap ko kam karti hai lekin yeh prabhav aise marijon mein jyadan dekha gaya hai jo angina pectoris ke ilaz ke liye nitrates jaisi dawaon ka sevan kar rahe hain.
Sir mein dard, shareer ka lal panda, apach is dwa ke anya dushprabhav hain