Jodha-Akbar pareshan
Summary ratings: 3 stars
(xx voters)
विजिट्स:
54
शब्द:
300
प्रकाशन तिथि: फरवरी 23, 2008
JODHA-AKBAR PARESHAN! Bhaarat ke adhikaansh rajyon main jodha-akbar par pratibandh lagaa hai. Kaaran, film main itihaas ko tod-marod kar prastut kiya gaya hai. Arre.. kahani ko hi to thoda badla hai koi poora itihaas to nahin badal dala! Hamare desh main logon ko ladai-jhagde karne ka bas ek bahaana milna chaahiye bas shuru ho jate hain pradarshan karne, Agar apne itihaas aur apni sanskriti ki aapko itni hee parvah hai to samaaj main jo itni kureetiyan phail rahin hain unke bare main kuchch sochiye! Unke liye gherabandi kijiye! Din-dahhade mahilaon kee asmita looti ja rahi hai, bachchon ki hatyaen-yon-saushan ho rahaa hai, log agva kiye ja rahe hai, atankvaad, rishton ke girte moolya – kuchh karna hee hai to samaj aur desh ki in buraaion ko door karne ke liye ekjut hoker virodh darj karenge to samaj main nischit hee badlaav ayega. Film ke pradarshan ko rok kar log kya sochte hain ki we bahut bade desh-bhakt hain ! Bhartiya sankriti ke rakshak hain! Nahin-bilkul nahin! Is tarah ke log bebuniyad baton par hinsa bhadkate hain. Agar aap vastav main bhartiya hain aur itihas ke gyata hain to aap avashya hi jante honge ki desh ki rakha ke liye logon ne kya-kya kiya hai. Apni Urja ko rachnatmak baniye. Apne hangame ka rukh badaliye. Kuchh karna hai to desh ka bachpan bachaiye, use achche sanskaar aur achchi shiksha deejiye.Yuva peedi ke bhatkaav ko rokiye! Aatankvaad ke khilaaf muhim chhadiye. Film pradarshan par rok lagane walon ko yeh samajhna chahiye ki yadi kisi vastvik ghatna ka filmikaran hoga to usmain thoda badlaav swabhavik hai. Lekin isse vastvik ghatna nahi badal jaati kyon ki jo ghatit ho chuka hai use dobara ghatit nahin kiya jaa sakta, Theek usi tarah jaise muh se nikle shabd vapas nahin aate. Isliye Jodha-Akbar ko chalne deejiye….