Aap Beeti : Beet Gai aur Seekh de Gai
Summary ratings: 3 stars
(xx voters)
विजिट्स:
9
शब्द:
600
प्रकाशन तिथि: मार्च 05, 2008
AAP BEETI ! Mera computer center hai. Yahan DTP composing ka kaam hota hain. Ye center apni quality kaam ke liye aaz bhee jana jata hai. Yahan kai prakashak apna kaam karvate the. Kai private kaam bhi aate the. DTP ke alawa printing ka kaam bhi hota hai. Kai customer they. Mera gussa bahut tez tha, kisi ki ek baat bhi bardasht nahi hoti thi. Kahte hain Graahak Devta hota hai, yeh baat sau pratishat sahi hai. Mere gusse ke kaaran grahakon ki sankhya dheere-dheere kum hone lagi, kai ko to maine swayam bhagaa diya. Nateeza yeh hua ki ek aisa bhi samay aya ki mere pass ek bhi kaam nahin tha. Blkul phaltoo baithi rahti thi aur operator ko bhi free ki salary deti thi. Karza bahut tha. Dheere-dheere bank ka paisa bhi khatam hota gaya aur main baithe-baithe sirf chinta karti rahi. Bhagwan ne itni mehabani karee ki mera ek bhi cheque baounce nahi hua, meri izzat bachi rahi; iske liye main unka ahsaan manti hoon. Ek din achaanak mere mun main ye chinta ubhri ki ab kya hoga? Karz kaise chukega, rozmarra ke karche kaise niklenge? Main bahut tension mai aa gai. Aur tab maine us kaaran ko khojna shuru kiya ki ye sthiti akhir aai kaise! Kaaran kee jad (root) mai maine apne ko hi paya. Maine dekha ki aaj meri yeh barbadi ki naubat mere hee gusse ke kaaran aai hai. Usi samay maine nischit kiya ki jinhe maine gussa kiya hai unse maafi mangkar vapus bulaungi. Iske liye sabse pahle maine Ishwar se mafi mangi aur unse vaada kiya ki main apne grahakon par gussa nahi karoongi. Purane graahako ko phone kar ke bulaya. Kismat achchi thi graahak laut aaye aur mera vyapar jamne laga. Such hai gussa barbadi ki jad hai. Gusse se tauba!