Saddam ka aant 'aaytihasik' ghatnaIraq ke Saddam Hussein ka Fhansi pe latkaya jana, ek tanashah jisne kabhi bhi kisi tarah se kisi kanoon aur nyaya aur manvadhikaron ke barein kabhi nahin dhyan diya uska is tarah ka annt itihas ka ek tanashah ke annt ki kahani dohrana hi hai. Badle ke liye Kurd logon ka narshanghar aur Shia logon ko prataadit kiya jana Iraq ke itihas ka ek kala adhyaya to rahega hi. Yadi Iraq par akraman nahin hua hota, bina kise thos wajah ke, to Saddam Hussein ka damankari sashan Iraq par abhi bhi rahta. Sabhi ke liye nyaya hota hai and manvadhikaron ke sambandh me Saddam ka record utna hi daagdar hai jitna ki Kampucea ke Pol Pot ka tha. Ab jitna bhi ho halla ho raha ki nyayik prakriya puri tarah se pardarshi nahin thi ya phir yah kaha jaye ki kanun ka pura palan nahin hua is baat ko dar kinar nahin kar sakta. Saddam ka satta par kabij hona mukhya roop se janjatiya sangharsh ki wajah se hua. Usne upne grihnagar, Tirkit, ke logon ko sarkari padon par is tarah se bhar diya. Iska parinaam bhi yeh hua ki Saddam ke wafadaron ne pure desh jaasusi ka ek ganda jaal bhicha diya aur jis kisi ne uske khilaaf jara si bhi awaj uthani chahi use dar par hi daba diya. Saddam ki Baath Socialist Party mein sirf uske chamche hi the aur is vatawaran mein santoshjanak baat sirf itni hi thi ki BSP ek nispaksh, dharmanirpeksh aur bina kisi warg vishesh ke sashan chalene ka kaam karne lagi. Tariq Aziz, purva videsh mantri, hi ek akele chaldean christian rahe jo bahri vyakti the. Iske piche bhi yeh karan tha ki Aziz, Saddam ke ishare par hi nachte rahe. Saddam kahta tha wahi karo jo mein kahta hoon to tum surakshit ho. Yeh sabko maloom hai ki Saddam ne dhokhe se apne damaad ko desh mein bulaya aur sareaam uski hatya kar di. Gaurtalab baat to yah rahi ki uska yahi damaad Iraq se jaan bacha kar Jordan mein Saddam ki wajah se hi rah raha tha. Saddam ke jamane mein Iraq mein jo kuch bhi tarakki dekhne ko mili wo teil ki wajah se thi. Is tarakki ka laabh Shia aur Kurd logon ko hua hi nahin. Kurd logon ka kuch jhukav Turki ki aur raha hai. BSP party ki nazar mein Kurd log algaowadi rahe hain aur is karan ein logon ko aarthik aur raajnitik adhikaron se vanchit rakha gaya. Saddam Iraq ko pashim asia mein ek takat banana chahta tha. Iske liye usne rastron ka ek alag manch ka sahara liya. Is kaam ke liye uske samksh philisteen ka mudda kargar sabit hua.Is karan Saddam America ki sahayta se Saudi Arabia aur Kuwait ko alag thalag karne mein kamayaab hua. Iraq ne kai deshon ko apne paksh mein kiya. Lekin Iran, Turkey aur Jordan, apne apne karno se Saddam ki chal mein nahin fanse. Iran mein Khomeini ke satta par kabij hone ke baad se Shia-Sunni ke bich ki sangharsh ne paschim Asia mein vyaapt tanav ko aur badhaya. America ke sahyog se Iraq ne Iran ke sath saat salon tak ladai ladi. Hajaron logon nein jaan gawai aur aarthik bojh pada. America ne Iraq ke ghate ko sahte huye sath diya taki teil ke ed pramukh utpadak Iraq, Soviet Russia ke kehilaf aag ugalta rahe.Saddam ka Secular (Dharmanirpeksh) chehre ki haquikat us samay samne ayi jab Kurdon par usne rasayanik hathiyaron ka istimal kiya aur Sunni ke adhipatya mein nahin rahne ki wajah se Shia logon ka katleaam kiya gaya.Sankhya bal ke anushar Iraq mein Shia sarvadhik hain. Paschimi Asia mein America ne Iraq ka sath to diya lekin wah Saddam ke iradon ko samajh nahin paya.OPEC ki baithakon mein Iraq ki is mansha thi use kota jyada mile lekin Kuwait aur Riyadh ne jamkar virodh kiya. Saddam is baat ko aasani se manne wala nahin tha Saddam Kuwait ko 'Britani dhokha' kaha karta tha. Lekin uske kshetriya irade saaf the.Saddam ne Kuwait par aakraman kiya aur ise ke saath apna aant bhi. Uski is galti aur anya apradhon ki saja ke liye 16 saal lag gaye. Paschim Asia mein abhi bhi loktantrik sarkaroan ki kami. Aaj bhi ya to wahan par adhiktar jagah rajaon ka raaj hai ya phir tanashahon ka raaj hai. Saddam ka aant bhi Iraq mein rah rahi jatiyon ke beech ki khayee ko paat nahin sakta. Ho sakta hai ki yehiyan aage apas mein hi ladle lagein aur desh mein grih yudhh ki isthiti paida ho jaye.Ab yeh ek prakar se dukhad gatna hi kahi jayegi ki jin logon ne Saddam ke sashan kal mein itni taklifein dekhin hon aaj bhi purane hi nakse kadam par chal rahe hain. Aaj America ne bhale hi Iraq me ek nahi sarkar ki isthapna kar di ho lekin America is baat par vichar to kar hi raha hoga ke uski niti kahin asafal sabit hui hai.
Saddam ka aant 'aaytihasik' ghatna के बारे में अधिक संक्षेपण