Hind-Swaraj
Summary ratings: 3 stars
(xx voters)
विजिट्स:
21
शब्द:
300
प्रकाशन तिथि: फरवरी 28, 2008
2 OCT. - ANTARRASHTRIYA AHIMSA DIWAS Dakshin-Africa main bhartiyon ki raksha ke liye Gandhi ji ne bahut sangharsh kiya, 1909 main we London gaye. Wahan ke yuva krantikariyon se hui batcheet ko gandhiji ne apni pustak Hind Swarajya main kalpanik samvaad ke roop main likha. Yah pustak itni saral aur sahaj hai ki yah pustak ek baalak ko padne de di jaye to usme bhi ahimsa aur atmbal bhar de. Gandhi ji ka vichaar tha ki pashchimi deshon ki adhunik sabhyata manushya ke liye hitkar nahi hai. Swatantrata ke pahle ke sandarbh main we likhte hain ki Bharat ki shiksha pranali, nyay niti, vakeel, doctors aadi sabhi paschimi sabhayta se ot-prot hain. Isliye keval angrazo ko hataa dene bhar se Hindustan azad nahi kahlayega balki unki sanskriti, sabhyata aur unki nitiyon ka bhi tyag karna hoga. Hamain bhartiya dharma parayan niti, naitikta tatha atmabal ko apnakar Ahimsa ke marg par chal kar hi poorna swatantrata milegi. Angrzo ko bhagaa kar yadi hamne unki pashchimi sabhyata ko ode rakha to aisi swatantrata bemani hai. Gandhi ji ne Satya aur Ahimsa ko bahoot mahatwa diya hai. Sach yeh hai ki satya aur ahimsa ke bal par hi unhone azadi dilwai. Gandhiji ke Ahimsa-Marg ka loha angrez bhi man gaye lekin yeh jatane main unhe 59 saal lag gaye aur is ka nateeza yeh hai ki Gandhiji ke janma din 2nd October ko Anarrashtriya Ahimsa Diwas ghoshit kiya gaya hai. Hind-Swaraj ki mool bhaasha gujrati hai. Ise angrezi main bhi anoovadit kiya gaya hai. Mumbai sarkar ne is par pratibandh lagaa tha, par 1915 mai gandhiji ne pratham satyagrah kiya tab sarkar ke kade virodh ke bavjood is pustak ka prakashan kiya. Tab sarkar ne koi virodh nahi jataya aur tab se ye pustak ek marg-darshak ke roop main janta ke beech hai.