for whom the bells tolls

'For whom the bell tolls' May 1937 mein tab shuru hoti hai jab Spain
mein grih yuddha apne charam pe hai.Ek Robert Jordan naamak
american aadmi jisne khud ko War mein Repuplic side se shaamil hone ke
liye United States chhod di hai,pahadon mein chhipe hue Spain ke
guierilla ladakuoon ya guierillon ke saath kaam karne ke liye dushman
ke lakeeron ke peeche bhraman karta hai.Repulic command,ek bada
aakraman karne ke tahat Robert Jordan ko fascist logon
dwara kabja kiya hua ek pool udane ka khatarnaak aur bhaari kaam
sounpti hai.
Anselmo naam ka ek kisaan Robert Jordan ko guerila camp ka raasta
dikhata hai jo ek gupha mein chhipee hui hai.Raaste mein unka saamna
camp ke leader Pablo se ho jaata hai jo Robert Jordan se dushman ki
tarah bartaaw karta hai aur bridge operation ka virodh karta hai
kyonki wo maanta hai ki isse guerillon ki suraksha ko khatra
hoga.Robert Jordan ko shak hai ki Pablo Mishan ko dhokha de sakta hai
ya barbaad kar sakta hai.Camp mein Robert Jordan Pablo ki aurat Pilar
se milta hai.Badi,sakht badan aur thoda banjaaron si dikhne waali
Pilar guerillon ke band ki vastavil neta lagti hai.Jaldi hi Robert aur
Pilar ke darmiyan ek dusre se achi samajh ho jaati hai.Shaam ke samay
Robert Camp mein rah rahe 6 dusre logon se milta hai:awishwashniya
Rafael,bahadur aur gandi jabaan waala Agustin,ijjat dene yogya
Fernando,purana Primitivo aur bhai Andres aur Eladio.Agli subah Pilar
Robert ko jangal ke raaste se bridge operation pe salaah mashwaraa
karne ke liye ek dusre guerilla sangathan ke sardar El Sordo se
milwaane ke liye le jaata hai.Wo Maria ko bhi saath mein le jaate
hain.El Sardo mission me sahayta ke liye taiyar ho jaata hai par wo is
baat se pareshaan hain ki yeh unhein din ke samay karna padega jo
bhaagne mein badha ban sakti hai.Pablo ke camp mein lautne ke dauran
Robert aur Maria jungal mein sex karte hain.Jab wo Pilar se milte hain
to Maria Pilar ke saamne sweekar karti hai ki jab unhonne jungal mein
pyar kiya to dhartee hil rahi thi.Prabhawit Pilar kehti ki aisi cheej
ek aadmi ke jeevan mein teen baar hi hoti hai.
Subah mein Robert jaagta hai aur ek Fascist ghudsawaar ko dekh ke use goli maarta hai jisse
pura camp jaag jaata hai.Naashta ke baad wo log door mein ladai ki aawaj sunte hain aur samajhte hain
ki Fascist El Sordo ke camp pe hamla kar rahe hain.Agustin aur
Primitivo El Sordo ki sahayta karna chahte hai par Jordan aur Pilar
jaante hain ki ab kuch nahin ho sakta.Ab scene El Sordo ki pahadi ko
dikhati hai jis par ek Fascist ka samooh hamla kar raha hai.El
Sordo ke log marne ki acting karte hain aur fascist captain ko shoot
karne mein kamyaab ho jaate hain.Par bhot minton ke baad bhot saare
Fascist hawai yaan aakar pahadi ke upad bomb gidate hain aur El Sordo
ke samooh mein sabko maar dete hain.Fascist ranking officer El Sordo ke
sabhi logon ki laashon ka galaa kaatne ka aadesh deta hai.
Pablo ke camp par dopahar ka bhojan lete guerille bombing ki aawaj
sunte hain aur andhera mehsoos karte hain.Robert Jordan
Republic command ko likhta hai ki unhein abhi bridge operation aur
bada hamla dono hi rok dena chahiye kyonki Fasciyon ko plan ke baare
mein pata chal gaya hai aur operation kaamyaab nahin hoga.Wah Andres ko
chitthi lekar General Golz,jo ki ek republic neta hai, ke headquartes
pe bhejta hai .
Us raat Maria phir se Robert Jordan ke saath uske sone waale bag
mein raat gujaarti hai aur wo dono Madrid mein apne bhawishya ke jeevan
pe fantashiyon se bhari baatein karte hain.Isi dauran,Madrid mein
Jordan ke ek Karkov naamak roosee patrakaar dost ko pata chalta hai ki
Fasci log un saare war plan ke baare mein jaante hain jo republicon ne
soch rakha hai.