Maine kabhi is kitab ko padhane se pehle Matt Dunn kaa naam nahi suna tha. Lekin mujhe ise padh kar prasannata hui. Mujhe
yeh pustake meri chhoti behan ne di thi kyonki use is baat ki achchi samajh hai ki padhne mein meri kya pasand hai.
Vastva mein Matt Dunn ka yeh teesara upnyas hai. Uski do dusri pustake hai - Best Man aur The Ex Boy Friends Hand Book .
''From Here to Pasternity'' Will Jackson naam ke nayak par kendrit hai. Will ek jeevan shikshak hai. Richmond mein uskaa apna ek flat hai air uski aamdani 100 Pounds prati ghanta hai. Us kaa karyalay Ann Summers ke saamne hai. Yeh har yuvak ka swapan hota hai ki voh Ann Summers ke aas paas hi rahe. Will ke saath aisa kuchh nahi.
Will ne nishchay kiya hai ki ab voh akela rahte rahte ub gayaa hai aur ab voh jaldi se jaldi ek baap bannaa chaahtaa hai. Will ki badi samsya hai ki us ke paas us ke bachhe ki maa nan ne wali koi mahila nahi hai. Is liye voh apne agle janam din se pahle ek aisi achhi mahila ki talaash karna chaahta hai. Is ke liye voh kuchh kshan online dating mein bhi lagaataa hai, bina soche samjhe dates bhi detaa hai, aur mahilaon ki chhantai bhi karta hai.
Will kaa saath uskaa sab se achha mitra Tom aur us ki patni Barbara deti hai. Tom ek sangarsh sheel kalaakaar hai aur voh Will ke saath is vishay par mazak bhi kartaa hai. Us ki patni Barbara puri gambhirtaa se saath deti hai. Is dampati ke jeevan ko Will ek adarsh jeevan maan kar vaisa ban naa chaahtaa hai lekin jab bhi yeh sawaal aataa hai ki voh un jaisa kaise bane to voh un ki salaah ko maan ne ko bilkul taiyyar nahi hota.
Mujhe is pustak se do shikaayaten hain. Pahli, Mere vichaar se is mein Will aur us ke pitaa ke beech ke mudde theek se nahi liye gaye. In muddo ko Will ke sambandho ko lekar ek suvidha janak bahanaa banaa liya gayaa hai. Mere vichar se Will aur us ke pitaa ke sambandh kahani ka mahatava purna bhaag hain lekin is bhaag ko jaldi se nibtaa diyaa gayaa.
Dusre, pustak ke aakhri adhyayo mein kitab ko jaldi mein achaanak hi samaapt kar diya gayaa aur sari samasyayon kaa samaadhaan bhi kar diyaa gayaa.Main is ki prashansa kartaa hun ki aisi pustako mein aisa hi hota hai lekin is mein shayad adhik hi hua hai. Matt Dunn ko lagaa ki pure upnayaas ko samapt karne ke liye sirf 15 page bache hain aur us ne un ko phir se likhne ki pareshaani nahi uthayee.
Phir bhi, in aalochanao ke baad bhi, mujhe is pustak ko padhane main anand aayaa. Lekhan shaili bahut achhi thi aur maine ise do sitting mein hi padh diya. Will kaa charitra bahut hi sundar hai. Us ki maa paagal hai lekin voh bhi mahaan hai. Barbara kaa akelaa charitra hai jo mujhe pasand nahi aayaa.Main shayad us se kuchh bhaybhit tha aur Tom to mujhe vyarth hi lagaa.
Pustak kaa samapan bahut sundar hai and vastava mein hardiya ko chhoo jaata hai. Yedi tum apni aaraam kursi par chai ke cup ke saath baith kar anand lena chaahate ho to yeh ek achhi pustak hai. Yeh tumhe hansayegi aur tumhe ye sansaar khushnumaa lagega.