Atm-Chintan
Summary ratings: 3 stars
(xx voters)
विजिट्स:
16
शब्द:
300
प्रकाशन तिथि: फरवरी 21, 2008
DUKH MAIN RO NAHI SUKH MAIN PHOOLO NAHI…..
Jab manushya sukhi rahta tab use kuch parvah nahi rahti lekin jaise hee kashta ane lagte hain tab wo pareshaan hone lagta hai. Tab wo har tarah kee koshish karta hai ki kisi bhi tarah use kashton se chchutkara mile, aise main use jyotish, jhaad-phoonk, mandir, masjid sab yaad ane lagte hain. Manushya kaa man bahut chanchal hai. Is par kabu pana bahut mushkil hai jiske liye gyan hona bahut hee avashyak hai. Aise main thoda gyan ho aur wo bhi sandeh ke ghere main! Vyarth jata hai.
Hamare dharmik granthon main yeh bahut achche se samjhaya gaya he ki sukh ho ya dukh, manushya ko dono awasthaon main tatasth rehna chahiye, matlab na dukh main dukhi hovein aur na such main jyada phoolain.
Manushya ko jeevan main ghatit parinamo ko vargikrat karke chalna chahiye ki jeevan main mahatwapoorna kya hai, kaun si cheezain nirarthak hain aur sankatoan ka samna kaise kiya jaye, aadi. Raja Janak ne ise jeevanbhar jiya aur unke baad Bharat ke Samrat Ashok tathaa Rom ke samrat Marks Auralius.
Shanti aur gyan ke marg ko dikhanewale granthon main Auralius kee tippanion ka sthaan sarvochch hai. Marks kee tippanion main gahra chintan dikhai deta hai aur vyavharikta bhi.Ye tippanain unhone kisi aur ke liye nahin likhin balki ghor chinta aur vyathaa ke kshanon main swayam ko samjhane aur sambhalne liye likhi thi.
Marks ke ye kathan marnopraant unke lekhon ki pandulipiyon se mile jinhe ATM-CHINTAN naam pusta ke roop main prakashit kiya gaya tathaa kai bhaashaaon main anuvadit kiya gaya.
Marks ke kathan ghor kashta main shakti pradaan karte hain. Atm-Chintan pustak se sandesh milta hai ki9 sukh aur dukh apne hi hathon mai hain.
Is pustak ka hindi anuvaad Laxmi Devdas Gandhi ne kiya hai.